ഗ്രാമസഭ / വാർഡ് സഭ

1. ഗ്രാമസഭ വാർഡ് സഭ

ഒരു ഗ്രാമപഞ്ചായത്തിന്റെ ഭൂപ്രദേശത്തിൽ ഉൾപ്പെട്ട ഒരു ഗ്രാമത്തെ സംബന്ധിച്ച വോട്ടർപട്ടികയിൽ പേര് ചേർത്തിട്ടുള്ള എല്ലാ ആളുകളും ചേർന്നതാണ് ആ ഗ്രാമത്തിന്റെ ഗ്രാമസഭ എന്ന് കരുതപ്പെടുന്നതാണ്.

ഗ്രാമസഭ/വാർഡ്‌സഭ മെമ്പർ

ഒരു ഗ്രാമത്തിലെ ഒരു വാർഡിലെ വോട്ടർ ആ വാർഡിലെ ഗ്രാമസഭയിലെ മെമ്പറാണ്. അതുപോലെ മുനിസിപ്പാലിറ്റിയിലെ ഒരു വാർഡിലെ വോട്ടർ ആ വാർഡ്‌സഭയിലെ മെമ്പറാണ്.

2. പ്രധാന ചുമതലക്കാരും ഭരണസംവിധാനവും

3. യോഗങ്ങളും നടപടിക്രമങ്ങളും

• പ്രത്യേക യോഗം വിളിക്കൽ: വാർഡിലെ 10% വോട്ടർമാർ രേഖാമൂലം ആവശ്യപ്പെട്ടാൽ 15 ദിവസത്തിനകം കൺവീനർ പ്രത്യേക യോഗം വിളിച്ചു കൂട്ടണം.
• ചോദ്യങ്ങളും നിർദ്ദേശങ്ങളും: പരിഗണിക്കേണ്ട ചോദ്യങ്ങളും നിർദ്ദേശങ്ങളും യോഗത്തിന് മുമ്പോ യോഗ സമയത്തോ എഴുതി സമർപ്പിക്കാം.
• പ്രമേയങ്ങൾ: ഗ്രാമസഭയുടെ/വാർഡ്സഭയുടെ അധികാരപരിധിയിലുള്ള ഏതു പ്രശ്‌നത്തെക്കുറിച്ചും ഭൂരിപക്ഷ അടിസ്ഥാനത്തിൽ പ്രമേയം പാസ്സാക്കാം.

4. അധികാരങ്ങളും ചുമതലകളും

A. പദ്ധതി ആസൂത്രണവും നിർവ്വഹണവും:

• വികസന പദ്ധതികൾ ആവിഷ്‌കരിക്കുന്നതിനാവശ്യമായ വിശദാംശങ്ങൾ ശേഖരിക്കാൻ സഹായിക്കുക.
• പദ്ധതികളുടെയും വികസന പരിപാടികളുടെയും നിർദ്ദേശങ്ങൾ തയ്യാറാക്കുകയും മുൻഗണന നിശ്ചയിക്കുകയും ചെയ്യുക.
• പദ്ധതികൾ ഫലപ്രദമായി നടപ്പാക്കുന്നതിന് സഹായങ്ങൾ, സൗകര്യങ്ങൾ, സന്നദ്ധസേവനം, പണം അല്ലെങ്കിൽ സാമഗ്രികൾ എന്നിവ സമാഹരിക്കുക.

B. പൊതുസൗകര്യ പദ്ധതികൾ:

• തെരുവുവിളക്കുകൾ, പൊതുജലവിതരണ ടാപ്പുകൾ, പൊതുകിണറുകൾ, പൊതുശുചിത്വ ഘടകങ്ങൾ, ജലസേചന സൗകര്യങ്ങൾ തുടങ്ങിയവ എവിടെ സ്ഥാപിക്കണമെന്ന് നിർദ്ദേശിക്കുക.

C. മരാമത്ത് പണികൾ:

• പ്രവൃത്തികളുടെ എസ്റ്റിമേറ്റ്, സാമഗ്രികളുടെ ചെലവ് എന്നിവയുടെ വിശദാംശങ്ങൾ അറിയുക.
• വികസന പരിപാടികൾ ഏറ്റെടുത്തു നടത്തുന്ന ഗുണഭോക്തൃസമിതികളെ നിരീക്ഷിക്കുകയും സഹായിക്കുകയും ചെയ്യുക.
• പ്രദേശത്ത് നടപ്പാക്കാൻ ഉദ്ദേശിക്കുന്ന പണികളെ സംബന്ധിച്ച വിശദമായ എസ്റ്റിമേറ്റുകളുടെ വിവരങ്ങൾ ശേഖരിക്കുക.