ഗ്രാമപഞ്ചായത്ത് മേഖലയിലെ ഗതാഗത നിയന്ത്രണം, റോഡ് സുരക്ഷ, ട്രാഫിക് ക്രമീകരണം എന്നിവ കാര്യക്ഷമമാക്കുന്നതിനായി വിവിധ വകുപ്പുകളുടെ പ്രതിനിധികളെ ഉൾപ്പെടുത്തി രൂപീകരിക്കുന്ന ഏകോപന സമിതിയാണ് ഗ്രാമപഞ്ചായത്ത് തല ട്രാഫിക് റെഗുലേറ്ററി കമ്മിറ്റി. ഈ കമ്മിറ്റിയുടെ ചെയർമാൻ ഗ്രാമപഞ്ചായത്ത് പ്രസിഡന്റും കൺവീനർ ജില്ലാ പോലീസ് മേധാവി നാമനിർദ്ദേശം ചെയ്യുന്ന ഉദ്യോഗസ്ഥനുമാണ്. ജില്ലാ ട്രാഫിക് റെഗുലേറ്ററി കമ്മിറ്റിയുടെ മേൽനോട്ടത്തിൽ പ്രവർത്തിക്കുന്ന പ്രാദേശിക സമിതിയായാണ് ഇത് പ്രവർത്തിക്കുന്നത്.